அஜித்தை அழவைத்த எம்.ஜி.ஆர்.!

Saturday, April 25, 2009

'நாயகன்' வேலுநாயக்கரை வேணும்னா 'நீங்க நல்லவரா..கெட்டவரா'னு கேக்கலாம். ஆனா 'அசல்' நாயகன் அஜித்தை 'நீங்க நல்லவரா..ரொம்ப நல்லவரா'னுதான் கேட்டாகணும். அப்படிப்பட்டவர் நம்ம 'தல'!

'அல்டிமேட் ஸ்டார்' அஜித்துக்கும் எனக்குமான சந்திப்புகள் 'ஸ்வீட் பாக்ஸ்' மாதிரி. எந்த சந்திப்பை அசைபோட்டாலும் அது தித்திப்பாவே இருக்கும். அப்படியரு சந்திப்பு இது.

2004. அஜித் பைக் ரேஸில் பரபரப்பாக இருந்த நேரம். அவரது நம்பிக்கையான நண்பராக இருந்த ஒரு தயாரிப்பாளர்..'தல' தந்த பிளாங்க் செக்கை வெச்சு அவரையே 'கோடிகளில்' ஏமாத்திட்டார்னு தெருக்கோடிவரை பேச்சு. அப்போது நான் 'தமிழ்.சிஃபி.காம்' இணைய இதழின் எடிட்டர். அஜித்தின் பி.ஆர்.ஓ. சுந்தரிடம் அப்பாயிண்ட்மென்ட் கேட்டேன். அடுத்தநாளே ஃபிக்ஸ் பண்ணித்தந்தார்.

'அட்டகாசம்' ஷ¨ட்டிங்கில் 'தல' அட்டகாசம் பண்ணிக்கிட்டிருந்தாரு. ஷாட் பிரேக்ல அஜித்தை சந்திச்சேன். ''வாங்க ஜி''னு உபசரிச்சவர் முகத்தில வழக்கமான மலர்ச்சி இல்லை. காரணம்..நண்பனின்(!?) நம்பிக்கை துரோகமா இருக்கலாம். 'சரி..தலயை கொஞ்சம் ஜாலி மூடுக்கு கொண்டுவரலாமே'னு எடுத்த எடுப்பிலயே ''சார்..எம்.ஜி.ஆர். பத்தி என்ன நினைக்கறீங்க?''னு வலையை வீசினேன்.

லேசா ரிலாக்ஸான அஜித் ''ஜி..அவர் எவ்ளோ பெரிய வரலாறு. அவர்மாதிரி ஒரு பங்காவது நம்மால வாழமுடிஞ்சா அதுவே பெரிய சாதனைதான்''னு ஃபீலிங்கோட சொன்னாரு. 'ஆஹா..தல கூலிங் ஆயிட்டார்ரா'னு நான் ''அப்பேர்ப்பட்ட புரட்சித்தலைவர் அப்பவே உங்களுக்காக ஒரு பாட்டு பாடிவெச்சுட்டு போயிருக்காரு தெரியுமா?''னு அடுத்த கொக்கியை போட்டேன்.

திடீர் சந்தோஷத்துல சிக்கி திக்கித்திணறுன அஜித் ''என்ன சொல்றீங்க? என்ன பாட்டு அது?''னு ஆர்வமா கேக்க..''தர்மம் 'தல' காக்கும்..தக்க சமயத்தில் உயிர் காக்கும்! கூட இருந்தே குழிபறித்தாலும்..கொடுத்தது காத்து நிற்கும்!'ங்கற பாட்டுதான் அது!''னு நான் டைமிங்கா அடிக்க..நெகிழ்ந்துபோன அஜித் கண்கலங்கி என் கையை பிடிச்சிகிட்டாரு. அதுக்குப்பிறகு நட்பு,தப்பு,பாசம்,வேஷம்னு தன்னை பாதிச்ச அத்தனை மேட்டரையும் மனசு திறந்து பேசுனாரு.

சின்னவயசுல காணாம போன 'அண்ணந்தம்பிகளை' கண்டுபிடிக்கணுமா.. 'மாமா மச்சான்னு' பாசக்கார பயலுகலோட பாண்டி ஆடணுமா..'சில்லறை மாத்திட்டு வர்றேன்'னு 500 ரூவாய வாங்கிட்டு 'ஞாபகமா' மறந்துட்டு போன 'மிச்சான்களை' புடிக்கணுமா..அத்தனை பேரும் ஒண்ணா கூடி கும்மியடிக்கற இடம்..அஜித் பிரஸ்மீட்தான். அப்படியரு சந்திப்புல நாங்க காட்டின பாசத்த பாத்து தலைசுத்தி போயிட்டாரு 'தல'.

ஃபாரின்ல நடக்கற பைக் ரேஸ்ல போட்டிபோட கிளம்பறாரு அஜித். அதுக்கு முன்னால எங்களுக்கெல்லாம் கிராண்டா ஒரு பார்ட்டி தர்ராரு. 'காலையிலேர்ந்தே குடலை அலசி காயப்போட்ட மாதிரி' லார்ஜ்க ரிப்பீட் ஆகிட்டிருந்தது. நம்ம டீம் ஆசாமிகளும் (நான்,அந்தணன்,அமலன்,மாப்ள,மச்சான்) எங்களோட 'பரிசுத்த ஆவியை' எழுப்பி 'பாச இட்லியை' வேகவெச்சு கொட்ட ஆரம்பிச்சுட்டோம். அந்த 'ராவு' காலத்துல யாராவது இந்த டீம் கிட்ட சிக்கினா..ஜாலி'சட்னி'தான்.

நல்லவேளை. அந்த சமயம் பாத்து அஜித் எங்க சைடு வந்தாரு. பர்சனலா விசாரிச்சுட்டு ''நல்லா என்ஜாய் பண்ணுங்க!''னு சொன்னதுமே, எங்களுக்குள்ள ஊறிக்கிடந்த 'தல' பாசம் 'தல கால்' தெரியாம வெளியாச்சு பாருங்க..''சார்! எங்க தல ரேஸ§க்கு போறதுல ரொம்ப பெருமைதான்! அதேசமயம்..ஊர் பேரு தெரியாத நாடு. எப்படி இருக்கும்னு தெரியாத ரோடு. பாத்த்து கவனமா.. கொஞ்சம் மெள்ள்ள்ளமா பைக்கை ஓட்டுங்க''னு நாங்க கோரஸா சொன்னதுமே..அஜித் எங்களை 'அட..படவா ராஸ்கோலுகளா'ங்கற மாதிரி பாத்துட்டு..சிரிச்சாரு பாருங்க சிரிப்பு! ஆஹா..'கோல்கேட் பற்பசை விளம்பரத்துக்கு அதுமாதிரி ஒரு டாலடிக்கிற வெள்ளைச்சிரிப்பு' எங்கயுமே இல்லை.

'பகைவன்'கூட நெகிழ்ந்து 'தல' போல வருமானு சொல்ற அளவுக்கு ஒரு 'அமர்க்களமான' மேட்டர் இருக்கு! அதை அஜித் பிறந்தநாளான மே 1ம்தேதி சொல்லலாம்னு 'ஆசை'. அதுவரை வெய்ட் பண்ணுங்க 'வாலி'பர்களே!